Ֆրանսիական իշխանությունները աշխարհահռչակ ռեժիսոր Լյուկ Բեսոնին պատկանող EuropaCorp պրոդյուսերական տանը կասկածում են ֆինանսական մեքենայությունների մեջ: Այս մասին հաղորդում է France-Presse-ը:
Փարիզի դատախազությունը սկսել է 2000թ.-ին Բեսկոնի կողմից հիմնված ընկերության գործունեության նախնական քննությունը: Խախտումների չափերն ու կոնկրետ տվյալներ չեն հաղորդվում:
Ավելի վաղ՝ 2013թ.-ին իրավապահ մարմիններն արդեն շփվել են EuropaCorp-ի հետ՝ հիմնվելով Բեսոնի նախկին գործընկերոջ բողոքի վրա:
55-ամյա ռեժիսորը Ֆրանսիայի և աշխարհի ամենահայտնի ու հարուստ ռեժիսորներից մեկն է: Նրա վերջին ֆիլմի՝ «Լյուսիի» դիտումների համար ավելի քան 57 միլիոն տոմս է վաճառվել:
