Լուսինե Զաքարյանի ծննդյան օրն է

Հայ երգչուհի, Կոմիտասի և հայ հոգևոր երգերի ու տաղերի անզուգական կատարող Լուսինե Զաքարյանի ծննդյան օրն է:

Կաթողիկոս Վազգեն Առաջինը Լուսինե Զաքարյանի մասին ասել է. «Երբ Լուսինեն երգում է «Սուրբ-սուրբը», ամբողջ հրեշտակները բազմությամբ իջնում են Մայր Աթոռ ու փառաբանում Աստծուն»:

Լուսինեն ծնվել է 1937-ի հունիսի 1-ին Ախալցխայում: 1970-1983 թթ. եղել է Հայաստանի ազգային հեռուստաընկերության և ռադիոյի սիմֆոնիկ նվագախմբի մեներգչուհի։ Այդ ընթացքում երգել է նաև Էջմիածնի Մայր տաճարի երգչախմբում։

Դեռևս սովետական տարիներին, երբ արգելվում էին բազմաթիվ երաժշտական ոճեր, ինչպես նաև հոգևոր երաժշտությունը, նա համարձակություն է ունեցել հայկական հոգևոր երաժշտությունը բարձրացնել բեմ։

1972-ին արժանացել է ՀԽՍՀ ժողովրդական արտիստի կոչմանը:

Ժողովրդի կողմից շատ սիրված երգչուհու աճյունն ամփոփված է Էջմիածին քաղաքի Սուրբ Գայանե եկեղեցու բակի գերեզմանատանը։