Լուգանսկի ինքնահռչակ հանրապետությունը սկսել է Ուկրաինայի արևելքում` Դոնբասի շփման գոտուց տանկերի հետքաշման գործընթացը, հաղորդում է Լուգանսկի տեղեկատվական կենտրոնը:
«Հենց նոր ռազմական մեքենաների շարասյունը սկսել է շարժվել դեպի շփման գծից ոչ պակաս, քան 15 կիլոմեր հեռավորության վրա գտնվող տեղակայման նոր վայր»,- ասվում է հաղորդագրության մեջ:
Ավելի վաղ հաղորդվել է, որ Դոնեցկի ինքնահռչակ հանրապետության ՊՆ-ն սկսել է նոր տեղակայման վայրերի նախապատրաստումը` կնքված համաձայնագրի համաձայն ռազմական տեխնիկան հետ քաշելու նպատակով:
