Աշխարհահռչակ FIFA 18 համակարգչային խաղը հրապարակել է ֆուտբոլիստների նոր վարկանիշները:
Անգլիական «Մանչեսթեր Յունայթեդի» հայ կիսապաշտպան Հենրիխ Մխիթարյանի նոր վարկանիշն է 85, ինչի շնորհիվ նա առաջ է անցել «Լիվերպուլի» կիսապաշտպան Սադիո Մանեից և «Ռեալի» ֆուտբոլիստ Մարկո Ասենսիոյից: Այդ փաստն առաջացրել է «Լիվերպուլի» երկրպագուների զարմանքը, որոնք դժգոհ են մնացել նման դասավորությունից:
Հիշեցնենք, որ Մխիթարյանն Անգլիայի առաջնության մեկնարկային երեք խաղերում կատարել է 5 արդյունավետ փոխանցում, իսկ Մանեն գոլի հեղինակ է դարձել բոլոր խաղերում:
@wutangklavan
«Ողջույն ոստիկանություն, ցանկանում եմ հաղորդել հանցագործության մասին. Մխիթարյանը FIFA 18-ում ավելի բարձր վարկանիշ ունի, քան Մանեն»:
@bet365Gaming
«Երբ տեսնում ես, որ Սադիո Մանեն ավելի ցածր վարկանիշ ունի քան, Մխիթարյանը»:
@_andygreeen
«Չեմ գնի այդ խաղը. տարբերակ չկա, որ Մխիթարյանն ավելի բարձր լինի, քան Մանեն»:
«Mirror»-ում մեկնարկած քվեարկությանը կարող եք մասնակցել այստեղ:
