Լիբերիայի նախագահ Էլեն Ջոնսոն Սերլիֆը կոչ է արել համաշխարհային հանրությանը՝ օգնել Էբոլայի «ճիրաններում» հայտնված երկրներին, որպեսզի հնարավոր լինի կանխել դրա հետագա տարածումը։ Այս մասին հաղորդում է Associated Press գործակալությունը։
Փաստորեն, Լիբերիան խոստովանել է, որ ի վիճակի չէ այլևս պայքարել այդ համաճարակի դեմ։ «Մեր ամերիկացի գործընկերները, հասկանում են, որ Լիբերիան ի վիճակի չէ ինքնուրույն պայքարել Էբոլայի դեմ։ Ես հույս ունեմ, որ ԱՄՆ-ն կխրախուսի աշխարհի մյուս մասին էլ գործել», — ասել է Ջոնսոն Սերլիֆը։
Հիշեցնենք, որ նախօրեին ԱՄՆ-ն հայտարարել է Արևմտյան Աֆրիկա մոտ 3000 զինվորական և մասնագետ ուղարկելու մասին։
