Legatum Prosperity Index-ը հրապարակել է աշխարհի երկրների բարգավաճության վարկանիշային աղյուսակը: Հայաստանը զբաղեցնում է 95-րդ հորիզոնականը 142 երկրների շարքում: Նախորդ տարվա վարկանիշի համեմատ, Հայաստանն առաջ է շարժվել 3 հորիզոնականով:
Այս վարկանիշը կազմվում է 8 հիմնական ցուցիչների հիման վրա: Հայաստանն ամենաբարձր տեղ ունի կրթություն ցուցիչով՝ 42-րդ: Սակայն այլ ոլորտներում Հայաստանի ցուցանիշները ցածր են: Այսպես, տնտեսության ցուցանիշով Հայաստանը 116-րդ է, կառավարության վարկանիշով՝ 89-րդը, առողջության վարկանիշով՝ 87-ը, անձի ազատության ցուցանիշով՝ 117, իսկ սոցիալական կապիտալի ցուցանիշով՝ 129-րդը:
Նշենք, որ, ըստ Legatum Prosperity Index-ի, ամենաբարգավաճ երկրների շարքում Ադրբեջանը 81-րդ տեղում է, իսկ Վրաստանը՝ 84-րդ:
Ըստ Legatum Prosperity Index-ի՝ ամենաբարգավաճ երկիրը Նորվեգիան է, այնուհետև՝ Շվեյցարիան ու Կանադան:
