Ռուս-իսրայելացի բլոգեր Ալեքսանդր Լապշինը Լոնդոնում հարցազրույց է տվել BBC-ին, որի ընթացքում մանրամասն ներկայացրել է Արցախ կատարած այցի պատճառով Մինսկում իր ձերբակալության և հետագայում Բաքու արտահանձնման մասին:
«Մանրամասն պատմել եմ, թե ինչպես են ինձ ձերբակալել Բելառուսում, բանտում եղած պայմանների, կաշառքների և կոպիտ վերաբերմունքի, ինչպես իմ հետևից ուղարկել էին Ադրբեջանի նախագահի կնոջ օդանավը և այլնի մասին»,- ֆեյսբուքյան իր էջում գրել է բլոգերը:
Ալեքսանդր Լապշինը նաև շնորհակալություն է հայտնել BBC-ի աշխատակիցներին հարցազրույցի համար:
