ԱՄՆ նախագահ Բարաք Օբաման պետք է օգտագործի իր բոլոր լիազորությունները՝ Կուբայի շրջափակումը վերացնելու համար: Այս մասին հայտարարել է Կուբայի արտաքին առեւտրի նախարար Ռոդրիգո Մալմյերկան:
ՌԻԱ Նովոստիիփոխանցմամբ, նա նաեւ նշել է, որ Կուբան պատրաստ է ԱՄՆ-ի հետ հարաբերությունների կարգավորման գործընթացին:
«Հավանան հասկանում է, որ Կուբան եւ ԱՄՆ-ն շատ հարցերում տարբեր մոտեցում ունեն: Բայց մենք վստահ ենք, որ հնարավոր է ԱՄՆ-ի հետ նորմալ եւ քաղաքակիրթ հարաբերություններ ունենալ: ԱՄՆ-ի կողմից Կուբայի շրջափակումը շարունակվում է նաեւ այսօր: Դա հիմնական խոչընդոտն է հարաբերությունների կարգավորման ճանապարհին: Այդ քաղաքականությունը պետք է դադարեցնել»,- Հավանայի միջազգային տոնավաճառի բացման ժամանակ հայտարարել է նախարարը:
Մալմյերկան հավելել է, որ հարաբերությունների կարգավորումը որոշ խնդիրների լուծում կպահանջի, մասնավորապես, «Գուանտանամոյի բազայի վերադարձ, որի տարածքն ապօրինաբար զավթվել է»:
