«Ի պաշտպանություն Երևանի կենդանաբանական այգու» նախաձեռնության անդամները բողոքի ակցիա իրականացրեցին Երևանի քաղաքապետարանի մոտ՝ պահանջելով կասեցնել գործող տնօրեն Ռուբեն Խաչատրյանի լիազորությունները։
Ակցիայի կազմակերպիչները պնդում են, որ Խաչատրյանը վատ է կառավարում, տնօրինում։ Պահանջներից է նաև՝ մրցույթ հայտարարել, կազմել խորհուրդ, որում կլինեն Երևանի քաղաքապետարանի և գյուղատնտեսության նախարարության ներկայացուցիչներ, որոնք էլ կընտրեն նոր տնօրեն:
Գոշ Սարգսյանը նաև տեղեկացրեց, որ կանոնադրության մեջ փոփոխություն են կատարելու․ «Հետայսու կենդանաբանական այգին կունենա կառավարման խորհուրդ, որը բաղկացած կլինի 11 անդամից, 2-ը կլինեն կենդանաբանական այգու աշխատակիցներ, մնացածը՝ հասարակական սեկտորից»։
