ԱԺ ՀՀԿ խմբակցության պատգամավոր Հակոբ Հակոբյանը՝ «Պիվի Հակոբը» ողջունում է ՀՀ Կառավարության որոշումը, այն է՝ պայքարել մենաշնորհների եւ կոռուպցիայի դեմ: Այս մասին, այսօր ԱԺ-ում լրագրողների հետ զրույցում ասաց ինքը՝ Հակոբ Հակոբյանը: «Ցանկացած երկրում կոռուպցիա կա, մի տեղ մի քիչ ավել, մի տեղ մի քիչ պակաս: Ինչ վատ բան կա, որ Հայաստանի կառավարությունը սկսել է ավելի մեծ ուշադրություն դարձնել այդ հանգամանքներին»,- ասաց նա: Հարցին, թե արդյոք ուշացած չէ՞, Հակոբ Հակոբյանը նշեց, որ ինչ-որ մի ժամանակից պետք է սկսվեր: Պատգամավորը կարծում է, որ կոռուպցիան իշխանությունների մեջ է, իսկ իրենք էլ կոչված են պայքարելու դրա դեմ:
Ըստ Հակոբ Հակոբյանի՝ կոռուպցիայի դեմ պայքարի արդյունքների մասին կարելի է խոսել հինգ տարի հետո:
Մանրամասները՝ տեսանյութում:
