Կործանված Մի-8 ուղղաթիռում են եղել «VTB -լիզինգի» գլխավոր տնօրենը եւ գլխավոր մենեջերները, գրում է LifeNews-ը, որի ձեռքի տակ է հայտնվել ուղղաթիռի ուղեւորների ցուցակը։
Ինչպես նշվում է, ընկնելու պահին ավելի քան 10 մարդ ջուրն է թռել եւ հասել կղզուն։ Ուղղաթիռում մնացած 6 հոգին զոհվել են։
Մի-8 ուղղաթիռը, որում գտնվում էր 16 մարդ, օդ է բարձրացել Պոլինա Օսիպենկոյի անվան գյուղից։ Այն պիտի վայրէջք կատարեր Տուգուրո-Չումիկական մունիցիպալ շրջանում գտնվող Օնչագան լճի մոտ։ Ինչպես հաղորդվել է, ուղղաթիռի հետ կապն ընդհատվել է։
