Նկարահանվելու է Սերգեյ Դովլաթովի մասին վավերագրական ֆիլմ՝ խաղարկային էլեմենտներով: Այսօր Կոմիտասի թանգարան-ինստիտուտում տեղի ունեցած մամուլի ասուլիսի ընթացքում հայտնեց ՀՀ մշակությի նախարար Հասմիկ Պողոսյանը:
Իսկ թե ով է ֆիլմի ռեժիսորը, Հասմիկ Պողոսյանը տեղյակ չէր:
«Ճիշտն ասած, չեմ կարող ասել, կինոկենտրոններից ճշտեք՝ ով է ռեժիսորը. ես ընդամենը սցենարն եմ, կարդացել և իմ հավանությունը տվել»,- ասաց ՀՀ մշակույթի նախարարը:
Հարցին՝ սցենարի հեղինակն է ո՞վ, Հասմիկ Պողոսյանն ասաց՝ հայ է:
Հ.Գ. Փաստորեն ՀՀ մշակույթի նախարարը, «կարևորելով» Սերգեյ Դովլաթովի մասին նկարահանվող ֆիլմը, տեղյակ չէր՝ ով է ֆիլմի ռեժիսորն ու սցենարի հեղինակը:
