Տարբեր քննչական մարմիններում քննվում է 200 մլն դոլարի չարաշահումների, յուրացումների, վատնումների վերաբերյալ գործեր: Այս մասին այսօր Ազգային ժողովի հատուկ նիստում ասաց վարչապետի պաշտոնակատար Նիկոլ Փաշինյանը:
Վարչապետի պաշտոնակատարն ասաց, որ վնասների վերականգնումը չի ընթանում այն արագությամբ, ինչ իրենք կցանկանային: «Մի բան է զուտ հարկային վճարվելիք ճշտումները, բոլորովին այլ բան է յուրացումների, չարաշահումների վերականգնումը»,- ասաց Նիկոլ Փաշինյանը:
