Քիմ Քարդաշյանը վախենում է, որ շաքարախտ ունի: Այս մասին հենց ինքը հայտնել է Keeping Up With The Kardashians ռիելիթի շոուի նոր դրվագում:
Քիմը խոստովանել է, որ սարսափելի քաղցրակեր է. վերջերս հայուհին Լոս Անջելեսից Նոր Օռլեան էր մեկնել իսկական ֆրանսիական փքաբլիթներ համտեսելու համար:
35-ամյա հեռուստաաստղը խոստովանել է, որ հանուն իր սիրելի ուտելիքի, պատրաստ է շատ երկար ճամփորդել: Քիմը, պարզվում է, պաշտում է ֆրանսիական քաղցրավենիքը, ու Փարիզը Քիմին ոչ միայն նորաձեւությամբ է գրավում, այլեւ խոհարարական արվեստի ֆրանսիացի վարպետների բազմաթիվ համեղ քաղցրավենիքներով: Ավելին, հայուհին հիմա ստիպում է, որ իրենց ընտանեկան խոհարարը իր համար պատրաստի այն նույն ֆրանսիական փքաբլիթները, որոնցով ինքն այդքան հիացած է:
Ճիշտ է, Քիմը նաեւ ավելացնում է, որ վերջերս բժշկի էր այցելել, քանի որ վախենում է, որ քաղցրավենիքի նկատմամբ իր սերը կարող է շաքարախտի պատճառ դառնալ:
Քիմի մայրը նրան խորհուրդ է տալիս հատուկ ապարանջան կապել, որը կվերահսկի ուտելիքի նկատմամբ նրա անզուսպ ցանկությունը, բայց Քիմը հրաժարվում է նման բան անել:
