ՌԴ ԱԳՆ պաշտոնական ներկայացուցիչ Մարիա Զախարովան մանրամասներ է պատմել Ռուսաստանի արտգործնախարար Սերգեյ Լավրովի և ԱՄՆ պետքարտուղար Ջոն Քերիի հանդիպումից, հաղորդում է RIA Novosti-ն:
Զախարովան պատմել է, որ հանդիպումը սկսվել է շնորհավորանքներով. մարտի 21-ին Լավրովի ծննդյան օրն էր:
«Հույս ունեմ, որ մեր այսօրվա հանդիպումը հաջող կլինի: Կուզենայի, օգտվելով առիթից, շնորհավորել ծննդյանդ կապակցությամբ: Հույս ունեմ, որ այս օրը քեզ հավելյալ իմաստնություն կտա այս բանակցությունների համար: 39 տարեկանի համար շատ լավ տեսք ունես»,- կատակել է Քերին:
66-ամյա Լավրովը շնորհակալություն է հայտնել 72-ամյա գործընկերոջը:
«Ջոն, շնորհակալ եմ, սակայն եթե իմաստնությունը չափենք ծննդյան օրերով, քեզ չեմ հասնի»,- պատասխանել է Լավրովը:
