«Կոմսոմոլսկայա պրավդա» ռուսական հրատարակությունը հրապարակել է հոդված հետհեղափոխական Հայաստանի և երկրում տեղի ունեցող իրադարձությունների վերաբերյալ:
Հոդվածի հեղինակ Ալեքսանդր Գրիշինը, մասնավորապես, գրել է, որ գործող վարչապետին առայժմ հաջողվում է մնալ «հանդիսատեսի համակրանքի» ալիքին, չնայած վարկանիշի որոշ անկմանը:
Նշվում է, որ Նիկոլ Փաշինյանը Հայաստանում միակ խոշոր քաղաքական գործիչն է, որը կարող է ժողովրդին փողոց հանել, ինչի վկայությունը վերջերս դատարանների արգելափակումն էր:
«Քանի դեռ նրա կոչերին արձագանքում են, նրա համար սարսափելի չեն ո՛չ կլանները, ո՛չ նույնիսկ արտաքին հակառակորդները: Հենց որ մարդիկ փոխադարձորեն չպատասխանեն Նիկոլ Վովաևիչի կոչերին, այստեղ նրա ուժը կմարի»,- գրում է հոդվածագիրը:
Հեղինակը նաև պատմել է ղարաբաղյան հիմնախնդրի հանդեպ նոր իշխանությունների մոտեցման, Արևմուտքի և Ռուսաստանի հետ փոխգործակցության մասին, նշելով, որ Հայաստանը չի պատրաստվում հրաժարվել Ռուսաստանի հետ գործընկերությունից և միտված է հարաբերությունների հետագա խորացմանը:
