Հայոց ցեղասպանության մասին պատմող «Խոստումը» ֆիլմում նկարահանված հոլիվուդյան դերասանուհի Անժելա Սարաֆյանը Instagram-ի իր էջում հետաքրքիր փաստ է բացահայտել: Ֆիլմում կա տեսարան, որում քահանան պսակադրում է Մարալին (Անժելա Սարաֆյան) և Միքայելին (Օսկար Այզեք): Պարզվում է՝ քահանան իրոք օծյալ է եղել և իսկապես պսակադրության կարգ է կատարել դերասաններին:
«Խոստումը» ֆիլմի քահանան իրական հայ քահանա է, որն ապրում է Իսպանիայում: Հայկական ամենահին քաղաքներից մեկում՝ Էջմիածնում, 3 քույր եկեղեցիներ կան, նա այնտեղ է ձեռնադրվել: Նա իսկապես ամուսնացրեց մեզ նկարահանման հրապարակում՝ իսկական հայկական աղոթքով, որն ասում են հայկական ավանդական հարսանիքների ժամանակ: Այդ աղոթքներն ասվում էին 1915-ին եւ ասվում են մինչեւ հիմա: Վերջում քահանան մեզ ասաց. «Ես պետք է ամուսնալուծեմ ձեզ, որովհետեւ Աստծո առաջ դուք իրոք ամուսիններ եք»: Մենք պետք է նկարահանեինք հաջորդ տեսարանը, եւ նա երբեք դա անելու հնարավորություն չունեցավ»,- գրել է Անժելա Սարաֆյանը:
Ֆիլմը նկարահանվել է ամերիկահայ բարերար Քըրք Քըրքորյանի հովանավորությամբ: Ֆիլմի ռեժիսորն օսկարակիր Թերի Ջորջն է, ով ընտրել է տաղանդավոր և իրենց գործում հմուտ դերասաններ, ինչպիսիք են՝ Քրիստիան Բեյլը, Օսկար Այզեքը, Շառլոտա Լե Բոնը, Անժելա Սարաֆյանը, Ջեյմս Քրոմվելը և ուրիշներ. ֆիլմի սաունդթրեքը գրել է աշխարհահռչակ հայ երաժիշտ Սերժ Թանկյանը։
