Մյանմայում իրավիճակը շարունակում է լարված մնալ. կառավարական ուժերի և ապստամբների միջև բախումների հետևանքով զոհերի թիվը գերազանցել է հազարը. գրում է BBC-ն:
Լրատվակայքը հայտնում է, որ չնայած երկրում իրավիճակը հեռու է իդեալականից, սակայն հանցագործություններն ապացուցող տարածված լուսանկարների մեծ մասը կեղծ է:
Ներկայացնում ենք տվյալ լուսանկարների շարքը.
Օրինակ` խայծը կուլ է տվել նաև Թուրքիայի փոխվարչապետ Մեհմետ Սիմսեկը, որ այս լուսանկարը հրապարակել էր Twitter-ի իր էջում և կոչ արել միջազգային հանրությանը` վերջ դնել մահմեդականների ցեղասպանությանը: Առաջին լուսանկարում պատկերված են 2008-ի ջրհեղեղի զոհերը: Երկրորդում՝ ծառին կապված տղամարդու մոտ սգացող կնոջ լուսանկարն արվել է Ինդոնեզիայում: Երրորդ լուսանկարն արվել է Ռուանդայում, իսկ չորրորդում պատկերված է Նեպալի ջրհեղեղից կադր:
Այս լուսանկարում 1971-ին Բանգլադեշի անկախության համար պայքարող զինյալներ են:
Հնդկաստանում արված այս լուսանկարում մարտարվեստի մարզիչ է, ով մոտոցիկլով անցնում է երեխաների ձեռքերի վրայով:
Թելով կապված այս երեխան Մյանմայից է. այս լուսանկարը համացանցում տարածվել է 2015-ին: Երեխայի մայրն այժմ կրում է իր պատիժը:
Հերթական կեղծ լուսանկարում Չինաստանում տեղի ունեցած երկրաշարժի զոհերի մարմիններն են:
Լուսանկարն արվել է Հարավային Սուդանում. մարդիկ այրվել են բենզատարի պայթյունի հետևանքով:
Իսկ այստեղ Հաիթիի երկրաշարժից դաժան կադր է:
Մյանմայի դեպքերին վերագրվող այս լուսանկարն արվել է Տիբեթում. ակտիվիստն ինքնահրկիզվել էր հանուն ազատության:
