Արաբական երկրները հայտարարել են Կատարին ներկայացված վերջնաժամկետի գործողությունը 48 ժամով երկարաձգելու մասին. հաղորդում է Ria.ru-ն:
Քուվեյթը կոչ է արել արաբական գործընկերներին` Դոհային լրացուցիչ ժամանակ տալ ներկայացված պահանջներին պատասխան տալու համար:
Ավելի վաղ հաղորդել էինք, որ Սաուդյան Արաբիան, ԱՄԷ-ն, Եգիպտոսը և Պարսից ծոցի այլ երկրներ Կատարի նկատմամբ մի շարք պահանջների ցուցակ էին պատրաստել դիվանագիտական հարաբերությունները վերսկսելու վերաբերյալ և 10 օր ժամանակ տրամադրել դրանք կատարելու համար:
Կատարը մեղադրվում է ահաբեկչական կազմակերպություններին աջակցելու և արաբական պետություններում ներքին իրավիճակը ապակայունացնելու մեջ:
