Լուսանկարը՝ Հետք-ի
ՀՀ Կառավարությունը հաստատեց Սյունիքի մարզպետ Սուրիկ Խաչատրյանի հրաժարականը:
Կառավարության այսօրվա նիստում Հայաստանի տարածքային կառավարման եւ զարգացման նախարար Դավիթ Լոքյանը ներկայացրեց որոշման նախագիծ, համաձայն որի Սուրիկ Խաչատրյանը սեփական դիմումի համաձայն ազատվում է մարզպետի պաշտոնից: Միեւնույն ժամանակ, Լոքյանը նշեց, որ Սյունիքի մարզպետ է նշանակվում Վահե Հակոբյանը:
Կառավարության աշխատակազմի ղեկավար-նախարար Դավիթ Հարությունյանը թույլ չտվեց Լոքյանին խոսքն ավարտել՝ տեղից արձագանքելով, թե Սուրիկ Խաչատրյանի հրաժարականը պետք է հաստատվի Սերժ Սարգսյանի կողմից, որից հետո նոր մարզպետ նշանակվելու որոշումը զեկուցվի:
«Շտապում եք, պարոն Լոքյան»,- արձագանքեց վարչապետ Կարապետյանը, ինչին ի պատասխան Լոքյանն ասաց, թե հանձնարարականն էր այդպիսին:
