Կառավարության այսօրվա նիստում գործադիր մարմինը որոշեց կրճատել Երևանի ավագանու լիազորությունների ժամկետը և Կենտրոնական ընտրական հանձնաժողովի կողմից հրապարակած օրը Երևան համայնքում նշանակել և անցկացնել Երևանի ավագանու արտահերթ ընտրություններ:
Ընտրությունների օրը հայտարարելու է Կենտրոնական ընտրական հանձնաժողովը: «ԿԸՀ-ը նիստ կանի եւ 30-40 օրուն կորոշի ընտրության օրը»,- կառավարության նիստում ասաց տարածքային կառավարման և զարգացման նախարար Սուրեն Պապիկյանը:
Վարչապետի հարցրեց. «Իսկ բարոյահոգեբանական առումով ԿԸՀ-ն պատրա՞ստ է ընտրություններին»։
«Կարծում եմ՝ այո, պատրաստ է»,- ասաց նախարարը:
Վարչապետ Նիկոլ Փաշինյանն ասաց, որ այս ընտրություններում ընտրակաշառքի փորձ արած քաղաքացին չպետք է մնա անպատասխան, ՀՀ քաղաքացու վրա ապօրինի ազդեցությունը պետք է բացառվի, որին էլ միտված պետք է լինի Կառավարության գործունեությունը։
Սոնա Դավթյան
