ՀՀ պաշտպանության նախարարության մամլո խոսնակ Արծրուն Հովհաննիսյանը հրապարակել է Արցախում մարտական գործողությունների հետևանքով զոհված զինծառայողներից ևս մեկի անունը:
Այն ներկայացնում ենք ստորև.
«4-րդ հրաձգային վաշտի հրամանատար,
կապիտան Արմենակ Մերսի Ուրֆանյան
Ծնված 1990թ., ԶՈՒ-ում ծառայում է 2007թ.-ից: Կապիտան Ուրֆանյանը իր անձնակազմի հետ միասին երկար մարտի է բռնվել հակառակորդի հետ: Հակառակորդի գերազանցող ուժերի ճնշման տակ անձնակազմին հետ ուղարկելով՝ միայնակ շարունակել է մարտը, խոցելով մեկ տանկ և մոտ մեկ տասնյակ թշնամու զինվոր: Վերջում մի քանի նռնակներ նետելով՝ չի թողել իրեն շրջապատեն ու վերջին նռնակով իր հետ միասին պայթեցրել է մոտեցողներին:
Փառք մեր հերոսներին»:
