Ամերիկյան Johnson & Johnson ընկերությունը կոնքազդրային անորակ պրոթեզների համար դատարաններ ներկայացված հայցերով 4 մլրդ դոլար կվճարի։ Այս մասին տեղեկացնում է The New York Times-ը։
Հայցվորները 12 հազար բողոք են ներկայացրել ամերիկյան դատարաններ։ Իրավաբանները կարծում են, որ դրանցից միայն 7-8 հազարը կբավարարվեն։ Այս պահին սա ամենախոշոր գումարն է, որը կվճարվի բժշկական հայցերով։ Նախնական պայմանավորվածության համաձայն՝ այն հիվանդները, որոնք դժգոհ են անօրինական պրոթեզներից, անվճար կվիրահատվեն։ Բացի այդ, լրացուցիչ կվճարվի 350 հազար դոլար փոխհատուցում։
