Իսրայելն աջակցում է Արցախի վերաբերյալ Ադրբեջանի դիրքորոշմանը. այս մասին Интерфакс Азербайджан-ին տված հարցազրույցում ասել է Ադրբեջանում Իսրայելի դեսպան Դան Ստավը:
«Հիմնվելով տարիների իմ փորձի վրա` կարող եմ ասել, որ բոլոր հակամարտությունները պետք է գտնեն իրենց քաղաքական լուծումը: Իսրայելն աջակցում է Ադրբեջանի տարածքային ամբողջականությանը և հակամարտության վերաբերյալ Բաքվի դիրքորոշմանը»,- ասել է դիվանագետը:
Դեսպանը նաև նշել է, որ Իսրայելն աջակցում է ԵԱՀԿ Մինսկի խմբի՝ հակամարտության լուծմանն ուղղված ջանքերին:
