Իսպանիայի իշխանությունները պատրաստվում են օտար պետություններում ռազմական գործողություններին մասնակցությունը հավասարեցնել ահաբեկչությանը։ Այս մասին հաղորդում է Gazeta.ru-ն։
Քրեական օրենսգրքում նման փոփոխությունների առաջարկ է նախապատրաստում Իսպանիայի կառավարությունը։
Առաջիկա օրերին առաջարկը կուղարկվի Իսպանիայի ներքին գործերի նախարար Խորխե Ֆերնանդես Դիասի քննարկմանը։ Հայտնի է, որ ներկայում Մերձավոր Արևելքում տարբեր իսլամիստական կազմակերպություններում կռվում են եվրոպական երկրների քաղաքացիություն ունեցող մուսուլմաններ, որոնց վերադարձը կարող է լուրջ սպառնալիք դառնալ եվրոպական երկրների անվտանգությանը։
