«Իսլամական պետություն» խմբավորման գրոհայինները, որոնք արդեն մի քանի շաբաթ է, ինչ փորձում են գրավել քրդաբնակ Քոբանի քաղաքը, օգտագործել է քիմիական զենք տեղի դիմադրող ուժերի դեմ: Այս մասին հաղորդում է Associated Press գործակալությունը:
Գործակալության տեղեկություններով` ծայրահեղականներն օգտագործել են գազատիպ թունավոր նյութ Քոբանիի արևելքում: Հաղորդվում է, որ հակառակորդների մոտ առաջացել է գլխապտույտ և արցունքահոսություն: Ներկայում քրդերի մոտ չկան համապատասխան սարքեր, որոնք կորոշեն գազի տեսակը:
