Իրանն ու Հայաստանը համաձայնագիր են ստորագրել երկաթգիծ կառուցելու վերաբերյալ: Այս մասին այսօր ասել է Իրանի ճանապարհների և քաղաքաշինության նախարար Աբաս Ախունդին: Հաղորդում է Fras լրատվական գործակալությունը:
Ախունդին նշել է, որ հայերը մտադիր են երկաթգծի իրենց հատվածը հասցնել մինչեւ իրանական Ջուլֆա քաղաք: Իրանը պատրաստակամություն է հայտնել համագործակցելու այս հարցում, և պետությունների միջև այս հարցով նախօրեին ստորագրվել է համաձայնագիր:
Նախարարը նաև պատմել է, որ Իրանի և Հայաստանի միջև երկաթգծի երկարությունը կլինի 382կմ, որոնցից 80կմ-ը կանցնի Իրանի տարածքով` 302-ը` Հայաստանի:
