Իրաքի արտգործնախարար Իբրահիմ ալ-Ջաֆարին դիմել է ՄԱԿ-ի անվտանգության խորհրդին` կոչ անելով բանաձև ընդունել երկրի հյուսիսում ստեղծված իրավիճակի վերաբերյալ, որտեղ Թուրքիան զինվորականներ է տեղակայել, հաղորդում է TASS-ը:
Նախարարի խոսքով` բանաձևը պետք է դատապարտի Թուրքիայի ներխուժումը այլ երկրի տարածք:
Նա նաև ընդգծել է, որ Բաղդադը պատրաստ է քայլեր ձեռնարկել Թուրքիայի գործողություններին ի պատասխան, սակայն կողմ է հարցի քաղաքական կարգավորմանը:
