ԻՊ ահաբեկչական խմբավորման գրոհայինները Իրաքի արեւմուտքում գտնվող Էլ Ֆալուջա քաղաքում 150 մարդու են գերի վերցրել: Այդ մասին հաղորդել է Sky News Arabia արբանյակային հեռուստաալիքը:
Հեռուստակայանի տվյալներով, ծայրահեղականները նաեւ խուզարկություններ են իրականացնում խաղաղ բնակիչների տներում, տեղեկացնում է ՏԱՍՍ-ը:
Էլ Ֆալուջան, որը գտնվում է Անբարի նահանգում, առաջվա պես մնում է գրոհայինների վերահսկողության տակ, ի տարբերություն շրջանի վարչական կենտրոն հանդիսացող Ռամադի քաղաքի, որը վերջնականապես ազատագրվել է փետրվարի սկզբին երկարատեւ գործողության հետեւանքով:
