Ֆրանսիայի նախագահի թեկնածու, «Ազգային ճակատ» կուսակցության առաջնորդ Մարին Լե Պենը հայտարարել է, որ նախագահական ընտրությունների երկրորդ փուլում իր պարտության դեպքում Ֆրանսիան կղեկավարի Գերմանիայի կանցլեր Անգելա Մերկելը: Այս մասին TASS-ի հաղորդմամբ՝ Լե Պենն ասել է Ֆրանսիայի նախագահի թեկնածու, «Առաջ» շարժման հիմնադիր Էմանուել Մակրոնի հետ վերջին հեռուստաբանավեճի ժամանակ:
«Ինչ էլ լինի, ամեն դեպքում Ֆրանսիան ապագայում կին է ղեկավարելու. դա կլինեմ ես կամ էլ Անգելա Մերկելը»,- ասել է «Ազգային ճակատ» կուսակցության առաջնորդը՝ քննադատելով Էմանուել Մակրոնին՝ ֆրանս-գերմանական դաշինքն ամրապնդելու նրա մտադրության համար:
Ավելի վաղ հաղորդել էինք, որ Ֆրանսիայի նախագահական ընտրությունների երկրորդ փուլից 3 օր առաջ տեղի ունեցած վերջին հեռուստաբանավեճում հաղթել է Էմանուել Մակրոնը:
