IBM ընկերությունը մտադիր է ավելի քան 1 միլիարդ դոլար ներդնել Watson սուպերհամակարգչի ստեղծման աշխատանքներում։ Այս մասին հաղորդում է The Wall Street Journal-ը։
Այս նախագծի շրջանակներում ընկերության կողմից կստեղծվի հատուկ ստորաբաժանում, ինչպես նաև ներդրումային հիմնադրամ։ IBM-ում չեն բացառում, որ այս նախագծում աշխատակիցների թիվը կարող է հասնել 2000-ի։ «Այժմ մենք մուտք ենք գործում ավելի արագ զարգացման փուլ»,- ասել է Մայքլ Ռոդինը, ով գլխավորում է այս ստորաբաժանումը։
IBM-ում հույս ունեն, որ առաջիկա 10-ը տարիների ընթացքում ընկերությունը տարեկան կվաստակի 10 մլրդ դոլար։
