Փոխվարչապետ Տիգրան Ավինյանի խորհրդական Վարագ Սիսեռյանի և Հյուսիս-հարավ մայրուղու շինաշխատակիցների հանդիպումն ավարտվեց։
Իրավաբան Արմեն Սաքապետոյանը լրագրողների հետ զրույցում ասաց, որ 1,5 ամսվա ընթացքում Կառավարությունը պետք է իրենց ներկայացնի խնդրի լուծման տարբերակներ։
Ըստ այդմ, շինաշխատակիցների բողոքի ակցիաները կդադարեցվեն, կսպասեն կառավարության քայլերին։
Նշենք, որ Հյուսիս-հարավի շինարարության վրա աշխատել է շուրջ 700 մարդ, նրանք դրա դիմաց ամիսներ շարունակ չեն վարձատրվել, և ընդհանուր պարտքը կազմում է մոտ 2 միլիարդ դրամ։
