Human Rights Watch միջազգային իրավապաշտպան կազմակերպության քննադատել է Սիրիայի իշխանություններին Դամասկոսի և Համայի բնակելի մի քանի հազար շինությունների դիտավորյալ ոչնչացման համար, որը տեղի է ունեցել 2012 թվականի հուլիսից մինչև 2013-ի հուլիսը: Այս մասին ասվում է հինգշաբթի օրը հրապարակված զեկույցում:
Զեկույցում տեղ են գտել արբանյակից արված մի շարք լուսանկարներ, ինչպես նաև վկաների ցուցմունքներ, որոնք պատմում են բուլդոզերների գործադրմամբ բնակելի շրջանների ավերի մասին: Առաջնորդվելով արբանյակից ստացված լուսանկարներով` մասնագետները հաշվել են, որ ընդհանուր առմամբ ավերված շրջանների մակերեսը կազմում է 145 հեկտար:
Փորձագետների ունեցած տվյալներով՝ այս քայլով իշխանությունները փորձել են պատժել քաղաքացիական այն բնակչությանը, ովքեր համագործակցել են անջատողականների և ընդդիմադիրների հետ:
