Հռոմի պապ Ֆրանցիսկոսը քննադատել է ցմահ ազատազրկման ինստիտուտն՝ այն անվանելով «թաքնված մահապատիժ»: Այս մասին հաղորդում է France-Presse գործակալությունը:
Ֆրանցիսկոսը նման հայտարարություն է հնչեցրել Քրեական օրենսդրության միջազգային ասոցիացիայի պատվիրակության հետ հանդիպման ժամանակ: Իր ելույթում նա շեշտել է, որ հավատացյալները պետք է պայքարեն ցմահ ազատազրկման դեմ այնպես, ինչպես՝ մահապատժի դեմ:
«Բոլոր քրիստոնյաները պետք է պայքարեն ոչ միայն մահապատժի վերացման, այլևս ազատազրկման պայմանների բարելավման համար, որպեսզի հասնենք նրան, որ հարգեն դժբախտների մարդկային արժանապատվությունը», — հայտարարել է կաթոլիկների առաջնորդը:
«Վերջին տասնամյակում համոզմունք է տարածվել, որ դաժան պատժամիջոցների շնորհիվ կարելի է լուծել ամենաբարդ սոցիալական խնդիրները: Դա ամենևին արդարացի չէ», — ընդգծելէ է Ֆրանցիսկոսը:
