Լաս Վեգասում՝ խոշոր խաղատներից մեկի մոտակայքում, հրաձգություն է տեղի ունեցել. հաղորդում է NTV-ն:
Նախնական տվյալով՝ միջադեպի հետևանքով վիրավորվել է առնվազն 20 մարդ, զոհերի թիվը 2-ն է:
12 վիրավորի առողջական վիճակը գնահատվում է ծայրահեղ ծանր:
Տեղական լրատվամիջոցները՝ վկայակոչելով ականատեսներին, հայտնում են, որ անհայտ անձի կողմից իրականացված կրակահերթը եղել է ինտենսիվ:
Իրավապահ մարմինների փոխանցմամբ՝ անհայտ անձը կրակ է արձակել Mandalay Bay Hotel հյուրանոցային համալիրի պատշգամբներից մեկից. հարձակվողի թիրախում եղել են քանթրի երաժշտության փառատոնի այցելուները:
