ՀՀ կառավարությունն այսօրվա նիստում հաստատեց գյուղատնտեսության նախարարության ջրային տնտեսության պետական կոմիտեի գումար հատկացնելու մասին որոշումը, որի նախագիծը ներկայացրեց կոմիտեի նախագահ Արամ Հարությունյանը:
ՀԾԿՀ 2015 թվականի հունիսի 17-ի որոշման համաձայն, սպառողներին վաճառվող էլեկտրաէներգիայի համար սահմանված նոր սակագների` 2015 թվականի օգոստոսի 1-ից ուժի մեջ մտնելու հետ կապված` ոռոգման համակարգի ընկերություններում գումարների վճարմամբ պայմանավորված առաջացող լրացուցիչ ծախսերի ֆինանսավորման նպատակով գյուղատնտեսության նախարարության ջրային տնտեսության պետական կոմիտեին 2015 թվականի պետական բյուջեով նախատեսված` կառավարության պահուստային ֆոնդից հատկացնել 495,500.0 հազ. դրամ, որից` 168,759.4 հազ. դրամը «Սևան-Հրազդան-ջրառ» փակ բաժնետիրական ընկերությանը (բյուջետային ծախսերի տնտեսագիտական դասակարգման «Սուբսիդիաներ ոչ ֆինանսական պետական կազմակերպություններին» հոդվածով) և 326,740.6 հազ. դրամը ոռոգման ծառայություններ մատուցող ջրօգտագործողների ընկերություններին:
Վարչապետ Հովիկ Աբրահամյանն էլ հորդորեց. «Սա պետք է գնա որպես հոսանքի գումար` առանց այս կողմ այն կողմ անելու»: