«Այս համաձայնագիրը տնտեսական փաստաթուղթ չէ, այլ քաղաքակրթությունների բախում է»,- ԱԺ նիստին խոսելով ԵՏՄ անդամակցությունից՝ ասաց «Ժառանգություն» կուսակցության պատգամավոր Զարուհի Փոստանջյանը:
Զարուհի Փոստանջյանը ռուսերենով ցիտեց ռուս մտավորականներից մեկին, իսկ Գալուստ Սահակյանն էլ նկատեց, որ վերջինս խախտում է լեզվի մասին օրենքը:
«Դուք բոլորդ էլ շուտով ռուսերեն եք խոսելու»,- արձագանքեց տիկին Փոստանջյանը:
Ըստ նրա՝ այս փաստաթղթով կորցրեցինք անցած 20 տարիները և այդպես էլ չկայացանք, և ցավով նշեց, որ ՀՅԴ-ի կողմ լինելն էլ չի հասկանում:
«Գործարարները առաջին տուժողներն են լինելու»,- ասաց Զարուհին և կոչ արեց չմասնակցել քվեարկությանը չմասնակցել, հիվանդանալ և մնալ տանը:
