Լարված իրավիճակ թիվ 10/05 եւ 10/08 ընտրատեղամասերում, որոնք գտնվում են Էրեբունի վարչական շրջանում՝ Սարի թաղում: Մասնավորապես, 10/08 ընտրատեղամասում ՀՀԿ-ի վստահված անձը` ոմն Արտաշես, սպառնացել է ԵԼՔ դաշինքի վստահված անձ Վարսենիկ Ուզունյանին: Վերջինիս ընտրատեղամասի դիմաց հավաքված երիտասարդները սպառնացել են հանգիստ մնալ, քանի որ շատ լավ գիտեն` ով է, ում աղջիկն է:
Տեղի ունեցածի վերաբերյալ ԵԼՔ-ի վստահված անձը տեղյակ է պահել տեղում հասարակական կարգը պահպանող ոստիկաններին, սակայն վերջիններս որեւէ քայլ չեն ձեռնարկել: Ավելի ուշ նա ահազանգել է ԵԼՔ դաշինքի անդամներին: Մասնավորապես, տվյալ ընտրատեղամաս են գնացել ԵԼՔ դաշինքի ավագանու թեկնածու Ալեն Սիմոնյանը եւ ԱԺ պատգամավոր Արարատ Զուրաբյանը:
Ալեն Սիմոնյանը ահազանգել է ոստիկանություն:
