Հետաքրքիր փաստեր «Մատրիցա» ֆիլմի մասին (լուսանկարներ)

Վաչովսկի եղբայրների նկարահանած «Մատրիցա» ֆիլմը ֆանտազիայի ժանրին պատկանող ամենահայտնի և սիրված ֆիլմերից է: Adme.ru-ն ներկայացնում է ֆիլմի մասին մի քանի հետաքրքիրի փաստ, որոնք արժե իմանալ:

1. Նեոյի անունը ստեղծվել է բառախաղից, որն անգլերեն նշանակում է ընտրված (Neo-One):

2. Ուիլ Սմիթը հրաժարվել է Նեոյի դերը կատարելուց, որի համար հետագայում, ինչպես ինքն է խոստովանել՝ շատ է զղջացել: Սմիթը նախընտրել է նկարահանվել «Վայրի, վայրի Արևմուտք» ֆիլմում: Իսկ Նեոյին ֆիլմում մարմնավորել է Կիանու Ռիվզը:

3. Ժան Ռենոն էլ հրաժարվել է մարմնավորել գործակալ Սմիթին՝ նախընտրելով նկարահանվել «Գոձիլա» ֆիլմում, իսկ Սմիթի դերը կատարել է Հյուգո Ուոլես Ուիվինգը:

4. Շոն Քոններին էլ հրաժարվել է Մորֆեոսի դերակատարումից՝ պնդելով, որ ֆիլմի սցենարից գլուխ չի հանում: Մորֆեոսին ֆիլմում մարմնավորել է Լոուրենս Ֆիշբերնը:

5. Մորֆեոսի անունը հին հունական քնի աստված Մորֆեյի անունից է վերցված: Ֆիլմում Մորֆեոսի նավը կոչվում էր «Նաբուգոդոնոսոր»: Այս անունը կրում էր Բաբելոնի արքաներից մեկը, ով փորձում էր իմաստ գտնել սեփական երազների մեջ:

6. Տրինիտիի անունը նշանակում է երեք, դրա համար էլ ֆիլմի սկզբում նրա սենյակի համարը 303-ն է:

7. Նեոյի սենյակի համարը ևս խորհրդանշական է՝ 101 (առաջին):

8. Վաչովսկի եղբայրները 80 մլն դոլար են պահանջել ֆիլմի համար, մինչդեռ Warner Brothers-ը միայն 10 մլն է տրամադրել, որը եղբայրներն օգտագործել են ֆիլմի առաջին 10 րոպեն նկարելու համար: Այս դիտելուց հետո՝ ընկերությունը միանգամից համաձայնել է տրամադրել գումարի մնացած մասը:

9. Ֆիլմում գլխավոր հերոսները օգտագործում են Nokia 8110 մոդելի հեռախոսներ:

10. Ֆիլմի առաջին 45 րոպեի ընթացքում Կիանու Ռիվզը ընդհամենը 80 տող տեքստ է կարդացել, որոնցից 44-ը հարցեր էին: Ավելին, առաջին անգամ Ռիվզին թույլ է տրվել ձայնագրվել 4 նախադասություն միայն ֆիլմի վերջին դրվագի համար՝ տիտրերից անմիջապես առաջ:

11. Նկարահանումներից առաջ գլխավոր դերակատարները և նկարահանող խմբի հիմնական անձնակամզը պարտավորվել են ընթերցել Ժան Բոդրիյարի «Կեղծ և սիմուլյացիա» գիրքը: Սա քննադատական տեսություն է, որը փորձում է ցույց տալ, թե որտեղ է սկսվոմ իրականությունը, որտեղ կեղծը (գոյություն չունեցող առարկա), որտեղ սիմուլյացիան: Հենց այս գրքից էլ ֆիլմի սկզբում Նեոն հանում է սկավառակը:

12. Կապույտ գույնը դիտմամբ հանվել է ֆիլմից՝ ցույց տալու համար, թե որքան «մռթնած» է Մատրիցայի աշխարհը:

13. Այն կադրը, որտեղ Նեոն խուսափում է փամփուշտից ի սկզբանե նախատեսված էր նկարել մանեկենների և տեխնիկական միջոցների օգնությամբ, մինչդեռ կատարյալ կադր ստանալու համար որոշում է կայացվել օգտագործել համակարգչային գրաֆիկա: Արդյունքում համակարգչային նոր ծրագիր է մշակվել, որի օգտագործումը հետագայում շատ ռեժիսորների երազանքն է դարձել: