Հարգելի´ հայրենակիցներ, աշխատակիցներ, գործընկերներ,
Պահպանելով դեռևս նախորդ տարուց ժառանգած մարտահրավերները` 2016 թվականը «Հայէկոնոմբանկի» համար ևս անցավ արագ ու ճիշտ որոշումներ ակնկալող մոտեցմամբ հագեցած, ինչին, մեր համոզմամբ, կարողացանք ժամանակին ու արժանի արձագանքել և հիմքեր նախապատրաստել գալիք իրավիճակները նոր լուծումներով դիմավորելու համար:
Արդյունքում` Բանկը 2016-ը ամփոփում է նոր ձեռքբերումներով` կապիտալի, փորձի ու գիտելիքների, կարևորագույն ակտիվ հանդիսացող մարդկային ռեսուրսների և, իհարկե, նոր գործընկերների համալրմամբ:
Մաղթում եմ, որ 2017 թվականը լինի խաղաղության, հաղթանակների ու տնտեսական վերելքների տարի: Թող բոլորիս ընտանիքներում իշխեն բարձր տրամադրությունն ու լավատեսությունը, ներդաշնակությունն ու բարօրությունը:
Շնորհավորում եմ գալիք Ամանորն ու Սբ. Ծնունդը:
Լավագույն մաղթանքներով՝
«ՀԱՅԷԿՈՆՈՄԲԱՆԿ» ԲԲԸ
Խորհրդի նախագահ՝ Ս. Սուքիասյան
