Այս տարվա ընթացքում հաքերային հեռահար հարձակումների են ենթարկվել Եվրոպայի ավելի քան 10 երկրների բանկոմատներ, այդ թվում՝ Հայաստանի, Բելառուսի, Բուլղարիայի, Էստոնիայի, Վրաստանի, Ղրղզստանի, Մոլդովայի, Նիդերլանդների, Լեհաստանի, Ռումինիայի, Ռուսաստանի, Իսպանիայի, Մեծ Բրիտանիայի և Մալայզիայի. այս մասին Reuters գործակալության հաղորդմամբ՝ հայտնել է ռուսական Group-IB կիբերանվտանգության ֆիրման:
Աղբյուրը նշում է, որ հատուկ ծրագրային ապահովման միջոցով հանցագործները «ստիպում» են բանկոմատներին գումար տրամադրել: Նշվում է նաև, որ նման հարձակումներ իրականացվել են նախկինում, սակայն դրանց մասշտաբը շատ ավելի փոքր է եղել:
