100 միլիոն դոլարի ռուսական ռազմական վարկը Հայաստանը կծախսի զինված ուժերը նոր սարքավորումներով համալրելու նպատակով. այս մասին «Արմենիա» հեռուստաալիքի հետ հարցազրույցում ասել է ՀՀ ՊՆ ղեկավար Վիգեն Սարգսյանը:
«Նոր վարկով մենք Ռուսաստանից ձեռք կբերենք ռազմավարական զսպման զենքեր», — հստակեցրել է Վիգեն Սարգսյանը:
Պաշտպանության նախարարը նշել է, որ վարկային պայմանները ռուսական ռազմարդյունաբերությունը Հայաստանի համար ավելի գրավիչ են դարձնում: Ընդ որում, դաշնակից Ռուսաստանը Հայաստանին սպառազինություն է վաճառում ներքին գներով, ինչը թույլ է տալիս երկրի զինված ուժերը զինել երկարաժամկետ պլանավորման համապատասխան:
Հայաստանի կառավարությունն հոկտեմբերի 12-ին հաստատել էր Ռուսաստանից 100 միլիոն դոլար վարկ վերցնելու նախագիծը: Վարկը օգտագործվելու է Ռուսաստանից ժամանակակից սպառազինություն և զինտեխնիկա ձեռք բերելու նպատակով։ Ռուսական վարկի միջողներից Հայաստանը կարող է օգտվել 2018-2022 թվականներին:
