Հայաստանը 2015 թվականի հունվարի 1-ից կմիանա Եվրասիական տնտեսական միությանը։ Նման համաձայնագիր է ստորագրվելու վաղը՝ հոկտեմբերի 10-ին Մինսկում Եվրասիական տնտեսական միության բարձրագույն խորհրդի նիստին։ Այս մասին հայտարարել է ՌԴ նախագահի օգնական Յուրի Ուշակովը։
«Նախատեսվում է ստորագրել Եվրասիական տնտեսական միությանը Հայաստանի միանալու համաձայնագիր, որով Հայաստանը 2015 թվականի հունվարի 1-ից կկարողանա դառնալ Միության լիարժեք անդամ», — ասել է Ուշակովը։
Նա նշել է, որ քննարկվելու է նաև Ղրղզստանի կողմից ԵՏՄ-ին միանալու «ճանապարհային քարտեզի» կատարման ծրագիրը, ինչպես նաև Վիետնամի, Իսրայելի, Եգիպտոսի և Հնդկաստանի հետ ԵՏՄ հարաբերությունների հարցը։
