Steaklovers.menu-ն կազմել է ամենաանառողջ խոհանոց ունեցող 9 երկրների ցուցակը, որը գլխավորում է Հայաստանը:
Աղբյուրը նշում է, որ սննդի մատակարարման խորհրդային ժառանգությունը և դիետոլոգիայի ինստիտուտի բացակայությունը պատճառ են դարձել, որ դպրոցականները ճաշարաններում սնվում են շոկոլադե սալիկներով, չիփսերով ու հոթ-դոգերով, իսկ քաղցրավենիքն ամենաշատ վաճառվող ապրանքն է երկրում:
Հաջորդ երկիրը Հունգարիան է: Հունգարացիներն ամենաշատն են տառապում ճարպակալումից, օգտագործում են մեծ քանակությամբ աղ, կյանքի տևողությունը ամենակարճն է:
Բելգիան հայտնի է իր համեղ վաֆլիներով, ֆրիով, գարեջրով, շոկոլադով ու արագ սննդի տեղական կետերով: Անառողջ սնվելու սովորույթը բելգիացիներ մշակույթի անբաժան մասն է: Բելգիայում մեծ տոկոս են կազմում գեր մարդիկ:
Չեխական ավանդական դիետան կազմված է յուղալի մսից, սոուսներից, աղցաններից, խոզի ճարպից, հացից, կարտոֆիլի բլիթներից, յուղոտ պանրից, գարեջրից: Չեխերի 22 տոկոսը տառապում է ճարպակալումից:
Ղազախների խոհանոցը կազմված է հիմնականում յուղալի մսից և կաթնամթերքներից: Վերջին շրջանում արագ սնունդը խնդրի առաջ է կանգնեցրել երկրին:
Բելառուսը կարտոֆիլի սպառման համաշխարհային առաջատարն է: Բելառուս կանանց ճարպակալումը մեր օրերում համաեվրոպական խնդիր է դարձել: Գիտնականները եկել են այն եզրահանգման, որ այդ փաստն առողջ սննդի մասին գիտելիքների պակասի հետևանք է:
Արգենտինացիներն ունեն ճարպակալման ամենաբարձր մակարդակը Լատինական Ամերիկայում: Ազգային խոհանոցի անբաժան մասը սպիտակ հացն է, որը հարուստ է ածխաջրերով: Երկրի բնակիչները հիմնականում ուտում են պիցցա, մակարոն, շաքար, կարմիր միս:
Թուրքմենստանն ունի բավականին հասարակ խոհանոց` միս, սպիտակ հաց, բրինձ, շատ քիչ միրգ ու բանջարեղեն: Կլիմայի շնորհիվ այստեղ աճում են ձմերուկ, նուռ, խաղող, ընկույզ, լոլիկ, որոնք չեն կիրառվում թուրքմենական խոհանցում:
ԱՄՆ-ում գեր մարդկանց թիվը գերազանցում է բոլոր սահմանված ռեկորդները: Այստեղ ֆաստֆուդն ընդգրկված է դպրոցներում, ընկերություններում, ամենուր: Ճարպակալումից մահացածների թիվը ռեկորդների է հասնում:
