«Իմ քայլը» խմբակցության պատգամավոր Արմեն Խաչատրյանը «Ֆեյսբուքի» էջում գրել է, որ հունվարի հոսանքի ծախսը բավական ավել է եկել, չնայած սպառումը հունվարին եղել է նույնչափ, որքան դեկտեմբերին:
«Ֆեյսբուքի» այլ օգտատերեր եւս դժգոհել են հունվարի այս ամսվա հավելագրումներից: Ընդ որում, ոչ միայն հոսանքի, այլեւ գազի:
Araratnews.am-ին «Գազպրոմ Արմենիա» ընկերության հետ կապ հաստատել չհաջողվեց պարզաբանման համար, իսկ ահա «Հայաստանի էլեկտրական ցանցեր» ընկերության մամուլի խոսնակ Նատալյա Սարջանյանը մեզ ասաց, որ ՀԷՑ-ը ցանկացած դիմում ու բողոք պատրաստ է քննարկելու:
Սոնա Դավթյան
