Araratnews.am-ի բլից հարցերին պատասխանում է դերասան Հովհաննես Դավթյանը:
-Տղամարդու երեք ամենակարևոր հատկանիշները…
-Տղամարդկություն կնոջ նկատմամբ, որի մեջ, ըստ իս, մտնում է նաև հոգատարությունը, երկրորդը` հայրենասիրություն, ինչպես նաև մաքրասիրությունը, որը կարևոր է ոչ միայն տղամարդու, այլև յուրաքանչյուր մարդու համար:
-Ձեզ համար անհասկանալի է, երբ տղամարդը…
-Բամբասում է:
—Կինը պետք է լինի…
-Խոհեմ և նորից կնշեմ` մաքրասեր. կարևոր հատկանիշ է:
—Հաճելի չէ, երբ կինը…
-Իր տեղում չէ և իրեն պահում է տղամարդու պես:
-Սիրում եք, երբ Ձեզ զրուցակիցը…
-Ունի ասելիք, դատարկ չի:
-Հունից դուրս եք գալիս, երբ…
-Շատ դեպքեր կան, օրինակ, երբ խոսքս չավարտած հեռախոսն անջատում են:
-Զղջում եք, որ երբևէ…
-Զղջում եմ, որ երաժշտական ոչ մի գործիքի չեմ տիրապետում:
-Չեք հանդուրժում…
-Չեմ հանդուրժում, երբ մի քանի հոգի խաղում են ամբողջ ժողովրդի ճակատագրի հետ:
—Ձեր կյանիք ամենակարևոր ձեռքբերումը մինչ այս պահը…
-Մասնագիտությունս:
—Երջանիկ լինելու համար անհրաժեշտ է…
-Ընտանիք, ընկերներ, աշխատանք:
-Կուզեիք, որ այս պահին…
-Կուզեի գործերս շուտ ավարտել ու հետ գալ Երևան (ծիծաղում է): Ես հիմա Վանաձորում եմ, իմ ներկայացում է այստեղ լինելու ու մի փոքր ձգձգվում է:
