Անգլիայի առաջնության 26-րդ տուրում առաջատար «Մանչեսթեր Սիթին» մրցակցի դաշտում ուժերը չափեց «Բարնլիի» հետ: Հանդիպումն ավարտվեց ոչ-ոքի` 1:1:
Խաղից հետո «քաղաքաբնակների» գլխավոր մարզիչ Խոսեպ Գվարդիոլան հայտարարեց, որ թիմին հանգիստ է հարկավոր:
««Բարնլիի» հետ խաղից հետո 4 օրով մեր մարզաբազայի դռները փակ կլինեն: Ֆուտբոլիստներին հանգիստ կտրվի: Նրանք պետք է մոռանան ֆուտբոլի մասին և ժամանակ անցկացնեն իրենց ընտանիքի հետ:
Չորեքշաբթի երեկոյան բոլորս կվերադառնանք և կնախապատրաստվենք «Լեսթերի» և «Բազելի» հետ հանդիպումներին:
Ես խոսում եմ ոչ միայն ֆուտբոլիստների, այլ նաև ամբողջ մարզչական շտաբի մասին: Ձմեռային ժամանակահատվածը բավականին դժվար դասավորվեց մեզ համար»,- իսպանացի մասնագետի խոսքն է մեջբերում «Sky Sports»-ը:
