Գործարար Արմեն Զաքարյանը որսի ժամանակ սպանել է Մոսկվայի բարձրաստիճան պաշտոնյային

Երեկ Յակուտիայում տեղի է ունեցել ողբերգական միջադեպ։ Որսի ժամանակ սպանվել է Ռուսաստանի միգրացիոն ծառայության Մոսկվայի բաժանմունքի ղեկավար Նիկոլայ Ազարովը։ Այս մասին հաղորդում է TASS գործակալությունը՝ հղում կատարելով իրավապահ մարմիններին։

Ազարովը Յակուտիա էր ժամանել մասնավոր այցով։ Որսի ժամանակ Ազարովի ընկերը՝ գործարար Արմեն Զաքարյանը պատահաբար կրակել է զենքից մեքենայի մեջ, ուր գտնվում էր Ազարովը։ Պաշտոնյան մահացել է տեղում։

Զաքարյանը ձերբակալվել է, ընթանում է քննություն։