Google Maps համացանցային ծառայությունը, որն իր մեքենաների միջոցով լուսանկարում է տարբեր բնակավայրերի փողոցները և դրանք տեղադրում իր կայքում, ստիպված կլինի փոխարինել այդ լուսանկարներից մեկը։ Բանն այն է, որ Սան Ֆրանցիսկոյի փողոցներից մեկում 2009 թվականին արված լուսանկարի վրա երևում է պատանու դիակ։ Այս մասին հաղորդում է BBC-ն։
Քևին Բարերայի հայրը բողոքել է իր որդու անշունչ մարմնի լուսանկարը Google Maps-ում տեղադրելու կապակցությամբ։ Լուսանկարման պահին այն գտնվում էր երկաթգծի մոտ՝ շրջապատված ոստիկաններով։ Google-ում խոստացել են 8 օրվա ընթացքում փոխարինել այդ նկարը։
