Google որոնողական համակարգն արդեն ճանաչում է հեշթեգերը և կարողանում է դրանցով կազմակերպել որոնումը: Այս մասին Google+ում կատարած իր գրառման մեջ նշել է ընկերության աշխատակից Զաիդ Սաբուրը:
Նրա խոսքերով` Google-ի որոնման տողում բավական է բառից առաջ հավաքել հեշթեգի # նշանը, որից հետո որոնման համակարգը կներկայացնի ամենապոպուլյար նյութերը, ինչպես նաև սոցիալական ցանցերում արված այն հրապարակումները, որոնց մեջ նշված է տվյալ հեշթեգը:
Այս գործիքը հասանելի կլինի առայժմ միայն ԱՄՆ և Կանադայի օգտատերերի համար: Դեռևս հայտնի չէ, թե երբ այն հասանելի կլինի մյուս երկրների օգտատերերի համար:
